Kelot nakuryente sa street light, patay

Nangisay hanggang sa mamatay ang isang construction worker nang mahawakan ang street light sa Atimonan, Quezon, kamakalawa ng gabi.

Kinilala ang nasawi na si Albert Liop, 34, residente ng Bgy. Angeles.

Ayon sa imbestigasyon, pauwi na ang biktima bandang alas-9:00 ng gabi nang aksidente nitong mahawakan ang buhay na kawad ng kuryente na nag-uugnay sa street lightning system sa barangay.

Bagama’t, agad na naisugod sa Doña Martha Memorial District Hospital ang biktima, hindi na rin ito umabot ng buhay.

Patuloy nang inaalam ng mga awtoridad kung sino ang may pananagutan sa pangyayari.