World war III, coming soon, may bagong relihiyon na lulutang!

Ka Ambo / Bistado

Nagkakainitan na ang U.S. at Iran.

Nagbabadya na ang World War III!

◘◘◘

MAAARING magkampihan ang Iran, Russia, China, Syria at North Korea.

Makakasagupa nila ang U.S., E.U. (European Union), Britain, Japan at South Korea!

◘◘◘

DAMAY ang Pilipinas kapag nagdeklara ng giyera ang U.S. laban sa Iran.

Ito ay dahil sa mutual defense treaty!

◘◘◘

KAPAG sumali ang AFP sa away ng U.S. kontra Iran, maliwanag na makakalaban ng Pilipinas ang China na posibleng kumampi sa Iran.

Maaaring sandali lang ang WW III kasi biglang magpapakawala ng nuclear bomb ang magkakalaban!

◘◘◘

WALANG panalo sa nuclear war dahil ang malalaking bansa ay pare-parehong mawawasak.

Guguho ang kanilang gobyerno at magkakaroon ng “bagong porma” ang mga pamahalaan!

◘◘◘

KUNG aling bansa ang aangat at aling ideolohiya ang kakalat ay walang nakaaalam.

Iisa ang malinaw: Magkakaroon ng “new world economic order” na kontrolado pa rin ng mga dating multi-bilyunaryong tao sa daigdig!

◘◘◘

MALINAW kung gayun na taliwas sa paniniwala ng marami, hindi ang lider ng gobyerno ang may kontrol ng daigdig — bagkus, ito ay kontrolado ng pribadong sektor na may “kontrol ng kayamanan” sa ibabaw ng lupa.

Mabubuwag ang United Nations (UN) na tuta at ginagamit lamang ng makapangyarihang bansa!

◘◘◘

ISANG bagong alyansa ng mga gobyerno ang mabubuo.

Isang bagong ideolohiya ang lulutang.

Isang bagong relihiyon ang sasambahin!