Katiwala ng ama sa negosyo, suspek.. 12-anyos ginilitan, patay

Laslas ang leeg at wala ng buhay nang matagpuan ang 12-anyos na babae sa Angeles City, Pampanga, kamakalawa.

Ayon sa Angeles City Police Office, nadiskubre na lamang ang wala ng buhay na katawan ng biktimang itinago sa pangalang “Mira” sa loob ng bahay nito.

Arestado naman ang suspek na si Jordan Banalnal, katiwala sa negosyo ng mga magulang ng biktima.

Batay sa pagsisiyasat, huling nakitang buhay si ‘Mira’ na kasama ng suspek sa loob ng bahay. Nakuha rin kay Banalnal ang kutsilyo na pinaniniwalaang ginamit sa krimen.

Hinihintay pa ng pulisya ang resulta ng pagsusuri para makumpirma kung hinalay din ng suspek ang biktima bago pinatay.

Walang ibinigay na pahayag ang naarestong suspek tungkol sa reklamo laban sa kanya.