P8 dagdag-presyo sa LPG

Sinalubong ng pagtataas ng presyo ng liquefied Petroleum Gas (LPG) ang Bagong Taon na aabot sa halos P8 kada kilo.

Nauna nang nagpatupad ng taas-presyo na P7.55 per kilo ng cooking gas ang mga kumpanyang Phoenix LPG Philippines at Petron. Nangangahulugan ito na aabot ng P83.05 ang imamahal ng kada 11-kilong tangke ng LPG.

Nasa P4.25 kada kilo naman ang itinaas ng kumpanyang Petro sa kanilang autoLPG. Nasa P6.74 naman ang taas-presyo ng Solane sa kada kilo ng kanilang LPG.

Epektibo kahapon ng alas-12:01 ng hatinggabi ang nasabing dagdag-presyo na epekto umano ng paggalaw ng international contract price ng LPG ngayon sa buwan ng Enero.