Nagpa-home service.. Bebot, inabuso ng lalaking hairstylist

Kulong ang isang lalaking hairstylist matapos ireklamo ng pangmomolestiya sa isang dalaga sa Valenzuela City.

Dati na umanong nagho-home service ang suspek na si Jerome Roa, 28, ng Tugatog, Malabon City sa biktimang si alyas Danica, bagama’t, ang kapatid na babae nito ang madalas magpaayos.

Alas-2:30 kamakalawa ng hapon, muling nagtungo si Roa sa bahay ng biktima matapos siyang tawagan para sa hair treatment.

Gayunman, matapos umanong i-hair treatment ang biktima ay hinipuan niya ito.

Nagsumbong ang dalaga sa kanyang kapatid saka humingi ng tulong sa mga operatiba ng Valenzuela Police Community Precinct 2 na nagresulta sa pagkakadakip sa suspek.

Ani Valenzuela Police Chief P/Col. Carlito Gaces, acts of lasciviousness ang isasampang kaso ng mga tauhan ng Women’s and Children’s Protection Desk (WCPD) laban sa suspek sa piskalya ng Valenzuela City.