Habang nagsasalita sa stage, name ni Nora ang isinisigaw… Noranians, binastos si Amy Austria

Ronalyn Seminiano / Showbiz Trends

Nakatanggap ng bigating pa­rangal ang mga movie personalities na nagpakita ng kahanga-hangang kahusayan sa paggawa ng pelikula sa ginanap na 45th Metro Manila Film Festival Awards Night nu’ng Dec. 27 sa New Frontier Theater kung saan si Ms. Judy Ann Santos-Agoncillo ang hinirang na Best Actress at si Allen Dizon ang Best Actor, habang si Direk Brillante Mendoza naman ang Best Director na kapwa nag­sama-sama sa Mindanao movie.

Apat na bigating aktres ang tumang­gap ng Hall of Famer Best Actress award — sina Nora Aunor, Amy Austria, Vilma Santos-Recto at Maricel Soriano.

Tanging si Amy ang personal na tu­manggap ng kanyang award, habang ang nag-iisang Superstar, ang batikan at magaling na manunulat na si Ricky Lee ang kumuha ng kanyang tropeo, at si Meryll Soriano naman ang nag-sub kay Maricel. No show naman si Batangas Governor Vilma Santos-Recto.

Ayon sa PEP Troika, hindi talaga balak isnabin ni Ate Vi ang big event pero dahil sa diumano’y wardrobe malfunction, hindi na siya tumuloy.

Sayang dahil halos magwala pa na­man ang mga fans nina Ate Vi at Nora nang tinawag ang pangalan nila. Medyo nakaka­lungkot nga lang dahil habang nagsasalita si Amy ay panay ang sigaw ng mga Nora­nians ng “Nora, Nora, Nora!”

Anyways, sana ay magpatuloy ang magandang adbokasiya ng filmmaking at congratulations sa lahat ng winners.

Mabuhay ang film industry!