Bantay na ate, bumili sa tindahan.. 1 yr. old nakalabas, swak sa balon, patay

Todas ang isang taong gulang na lalaki makaraang mahulog sa balon sa Talisay City, Negros Occidental.

Batay sa paunang impormasyon mula sa Talisay City Police, saglit lamang na iniwan ng kanyang ate ang bata para bumili sa tindahan ngunit, pagbalik nito ay hindi na niya mahanap ang kapatid.

Makalipas ang ilang oras na paghahanap, natagpuan ang bata na nakalutang sa balon, ilang metro ang layo mula sa kanilang bahay.

Naisugod pa sa ospital ang bata pero, binawian din ito ng buhay.

Wala sa bahay ang mga magulang ng biktima nang mangyari ang insidente.