Kakukuha lang ng loan.. Bgy. nutritionist hinoldap, pinatay

Brutal na kamatayan ang sinapit ng isang barangay nutritionist matapos tagain sa likod at gilitan sa Sitio Nalubog, Bgy. Hardinan, Gumaca, Quezon. Pasado alas-2:00 ng hapon nang matagpuan ang bangkay ng biktimang si Berlin Obligado, 27, may asawa, residente sa nasabing lugar.

Tadtad ng taga sa kamay, likurang bahagi ng katawan at may gilit na naging sanhi ng kanyang kamatayan.

Base sa imbestigasyon, kakukuha lamang ng loan ng biktima at posibleng inabangan at hinoldap ito bago nanlaban sa suspek.

Tukoy na ang primary suspect bagama’t, hindi muna ito pinangalanan. Samantala, nawawala rin ang mga mamahaling kagamitan ng biktima kasama na ang perang hindi pa malaman ang halaga.