ASEAN Para Games: Pilipinas, hindi pakakabog sa Indons

Pupuntiryahin ng Indonesia na makuha ang overall title sa 10th ASEAN Para Games na nakatakda sa Marso 2020. Aabot sa halos 300 atleta ang nakatakdang sumabak sa regional multi-event na torneo para sa differently-abled na mga atleta na lalahok sa 16 na sports mula sa 11 nasyon sa Timog-Silangang Asya.

“I am optimistic that the Indonesian contingent would be able to repeat its achievements clocked at the 2017 Asean Para Games. During that time, Indonesia had emerged as the overall champion,” pahayag ni National Paralympic Committee (NPC) chairperson Senny Marbun sa isang website. Inamin ni NPC deputy secretary Rima Ferdianto na kaya nilang kunin ang 70 porsiyento ng mga gintong medalya mula sa athletics, swimming, badminton, table tennis, chess at weightlifting. “Some 70 percent of the total medals or 70 gold medals, are expected to be earned in the sports,” wika ni Ferdianto.

Tiwala si Indonesian team chef de mission Andi Herman na walang magiging problema at walang magpapababa ng moral sa mga atleta upang mapanatili nito ang kampeonato.

“Obstacles related to facilities will not dampen the enthusiasm of athletes, so we will not rely on the facilities at the venue,” saad ni Herman, kung saan nakamit nila ang pangkabuuang kampeonato sa 2017 Asean Para Games nang makuha ang 126 gold, 75 silver at 50 bronze medals.

Kabilang sa mga sasabak sa Asean Para Games ang Brunei, Cambodia, Indonesia, Laos, Malaysia, Myanmar, the Philippines, Singapore, Thailand, Timor-Leste at Vietnam. Samantala, inanunsiyo ng Philippine Paralympic Committee (PPC) at ng Philippine Sports Commission (PSC) na iniurong na nila ang ASEAN Para Games sa Marso sa susunod na taon.