Aktor-direktor, bigla raw binabago ang script sa movie… Sigaw ni AI AI: Bobong artista, 'di uubr

Vinia Vivar / Frankly Speak

Iisa ang deskripsiyon nina Ai Ai delas Alas, Sam Milby at Jennylyn Mercado kay Coco Martin bilang direktor nila sa 3Pol Trobol: Huli Ka Balbon na entry to the 45th Metro Manila Film Festival.

Napakabait daw ng aktor-direktor, generous and very giving. At lahat sila, hindi nila malaman kung paano nagagawa ni Coco ang lahat ng ginagawa nito ngayon.

Ani Sam, “This is the first time I’ve done a project where ‘yung lead actor, ‘yung director din. Actually, first eksena namin, as Paloma siya, so we’re doing... medyo may parang naglalandian kami, tapos, siya rin ang nag-cut. Parang hindi ako sanay na ganu’n din ‘yung lead actor, nagka-cut din.”

Amazed na amazed din si Sam na nagagawa lahat ni Coco ang maging producer, director and at the same time ay lead actor, plus may FPJ’s Ang Probinsyano pa ito.

“I was asking him kanina, parang ‘How do you do all of these? You’re creative rin and director for Probinsyano (FPJAP), you’re lead actor and you’re doing all of these. How do you keep your sanity?’ Kasi lagi siyang masaya, lagi siyang walang problema sa buhay,” sabi ni Sam.

He added, “You see his passion in his work and it shows, and I just really appreciate, even as a director, he’s so giving.”

Ayon naman kay Jen, napakamaalaga ni Direk Coco at maya’t maya raw ay tsine-check kung okay sila sa set. At hindi rin niya alam kung natutulog pa ang aktor-direktor sa dami ng ginagawa.

“Talagang bilib ako sa determination, sa passion at sa drive niya. Sabi ko, ‘Saan ba niya kinukuha ang energy niya?’ Makahingi nga, ‘di ba? Grabe po talaga,” sabi ni Jen.

Ayon naman kay Ai Ai, ‘pag si Coco ang direktor mo, dapat ay hindi ka bobo.

“Kasi may time na kapag sinabi niya, ayaw niya ‘yung linya, babaguhin niya on the spot. Kailangan, kung ano ‘yung minemorize mo, erase-erase ‘yun, me-memorize-in mo ‘yung ibibigay niyang ano. So, dapat, sharp ka.

“Kasi, kung parang bobita mirasol ka, wa’, nganga! ‘Di ba nakakahiya?”

At maganda raw ‘yun dahil may natututunan sila kay Direk Coco bilang artista. Kaya nga sabi ni Ai Ai, uminom siya ng pampatalas ng memory para madali niyang ma-memorize ang mga linya niya sa movie.