Exhilarated, nakalalamang

Sa pagpapatuloy ng 2019 Philracom Christmas Racing Festival kasabay ng Additional One Win in Group Races sa Santa Ana Park sa Naic, Cavite.

Magaganap ang Winner Take All (WTA) Pick 6, Pick 5 Pick 4 at Trifecta, Quartet, Pentafecta at Super Six sa distansyang 1,300 meters. Dito ay masasaksihan ang laban ng Condition Race 17,18, 20, 21, 22 at Group Race (10). Sa race 1, gaganapin ang WTA,Trifecta, Quartet, Pentafecta at Super Six, ipinapatok ang Hail Storm at maaaring talunin ng mga kalahok na couple entry na Nice Yun Halo at Run Em Down.

Sa Race 2, nakalalamang ang Simply Believe habang makakalaban ang Apo Island, Blue Sapphire, Jontu at Heaven Strikes. Sa Race 3, nakalalamang ang Storm Chaser at posibleng talunin ng Isla De Zap, isama sa talaan ang Warrior Heart, Good Boss at Fussion Drive.

Sa Race 4 kung saan magsisimula ang pick 4 ay maglalaban-laban ang mga kalahok na Constitution, Smart Tyler, Deeper Pilya at Stone Ladder.

Sa Race 5, ipinapatok ang Expensive puwedeng lumaban ang Believable at posibleng makasilat ang Seni Seviyorum. Sa Race 6, nakalalamang ang couple entry na Universe at Misha na posibleng matalo sa Tit for Tat.

Sa Race 7, maglalaban-laban ang Exhilarated, Be Humble, Cups in Raver at Love Affair at magsisilbing paratingan sa WTA kasabay ng Trifecta, Quartet, Pentafecta at Super Six.