Pagsusunog sa iskul ng mga hazardous medical waste, bawal!
Dear Chief Acosta, Naglaan ang aming paaralan ng area kung saan dito susunugin ang mga medical waste na kalimitang hindi namin maitapon sa mga dumpsite. Nais kong malaman kung mayroon bang batas hinggil dito? — Nessah
Dear Nessah, Naaangkop sa inyong katanungan ang Republic Act (R.A.) No. 8749 o ang Philippine Clean Air Act of 1999, kung saan isinasaad na:
“Section 20. Ban on Incineration. - Incineration, hereby defined as the burning of municipal, biomedical and hazardous waste, which process emits poisonous and toxic fumes is hereby prohibited; Provided, however, That the prohibition shall not apply to traditional small-scale method of community/neighborhood sanitation “siga”, traditional, agricultural, cultural, health, and food preparation and crematoria; Provided, Further, That existing incinerators dealing with a biomedical wastes shall be out within three (3) years after the effectivity of this Act; Provided, Finally, that in the interim, such units shall be limited to the burning of pathological and infectious wastes, and subject to close monitoring by the Department” (Binigyang-diin.)
Maliwanag na tuwirang ipinagbabawal ang pagsusunog ng biomedical and hazardous wastes at kung ipagpapatuloy ng inyong paaralan ang nasabing gawain, maaari silang maparusahan hinggil dito.
Nawa ay nasagot namin ang inyong katanungan.Nais naming ipaalala sa inyo na ang opinyong ito ay nakabase sa inyong mga naisalaysay sa inyong liham at sa pagkakaintindi namin dito. Maaaring maiba ang opinyon kung mayroong karagdagang impormasyong ibibigay. Mas mainam kung personal kayong sasangguni sa abogado.
Maraming salamat sa inyong patuloy na pagtitiwala.
Comments