10 gold medalist at silver sa dancesport, hinasa ng DSCPI

Matapos ang impresibong 10 gintong medalya at 2 pilak na hinakot ng bansa sa unang araw ng 30th Southeast Asian Games, buong pusong nagpasalamat ang mga bumubuo ng Dancesport Council of the Philippines (DSCPI) sa Philippine Amusement and Gaming Corporation (PAGCOR) dahil sa kanilang pagsuporta.

Ayon kay DSCPI President Rebecca Garcia sa isang victory party na idinaos sa Luneta Hotel, malaking bahagi ng kanilang training at pagpupursige ang naging tulong ng PAGCOR upang mapagwagian ang iba pang international dancesport championship lalo na sa SEAGames.

“All our four couples who dominated the Dancesport Standard and Latin Categories benefitted from PAGCOR’s AID. We were able to send them to Italy to attend a rigid dance training as part of their preparations for the SEAG,” aniya.

Bukod sa dance camp sa ibang bansa, nahasa rin ang galing ng dancesport mula kay Polish coach Atina Nowak, isang sertipikadong world dancesport champion at Alexander Meinikov, isang Russian dancesport athletes na dumayo sa bansa upang turuan sila. “We could not have done this without PAGCOR. Every year DSCPI sends athletes abroad to compete in international dancesport events. Our aim here is not only to win but to give them the international exposures that they need,” saad ni Garcia.