Manliligaw pa lang, feeling asawa na kung umasta, password ng girl, gustong malaman

Dear Roma, Naiinis ako sa nanliligaw sa akin dahil isang buwan pa lang siyang nanliligaw, pero kung umasta ay daig pa ang asawa. Gusto niyang hingin ang password ng lahat ng social media accounts ko para raw makasigurado siya na hindi ko siya lolokohin. Ang sabi niya, kaya raw siya ganu’n ay dahil niloko siya ng ex niya kaya may trust issues siya. Minsan tuloy, parang ayaw ko na siyang patuluyin sa panliligaw niya. Ano ang gagawin ko? —Adhel

Adhel, Naku, sis, nakakainis nga ‘yan dahil hindi pa nga kayo, eh, parang binabakuran ka na. Tsk! Gayunman, hindi excuse ‘yung panloloko sa kanya ng ex niya para maging ganyan ang trato niya sa’yo. Tandaan, ang matibay na relasyon ay nagsisimula sa pagkakaroon ng tiwala sa isa’t isa kahit ano pa ang pinagdaanan n’yo sa mga nauna ninyong relasyon. Kung feeling mo ay sobra na, huwag kang mahiyang mag-voice out dahil para sa’yo rin ‘yun. Good luck!