Amihan, patuloy na nakaapekto sa Luzon

Photo: WeatherPhilippines

Patuloy na nakaaapekto ang Northeast Monsoon o Amihan sa malaking bahagi ng Luzon.

Sa weather update ng PAGASA, bandang alas-5:00 ng hapon, sinabi ni PAGASA weather specialist Aldczar Aurelio na makararanas ng maulap na papawirin na may mahihinang pag-ulan sa Ilocos Province, Cordillera, Cagayan Valley.

Samantala, umiiral naman ang tail end of a cold front sa Bicol Region.

Dahil dito, iiral aniya ang maulap na kalangitan na may kalat-kalat na pag-ulan sa Bicol Region, Eastern Visayas at lalawigan ng Quezon.

Pinayuhan ang mga residente sa nasabing lugar na maging alerto sa posibleng pagbaha o pagguho ng lupa.

Samantala, magiging maganda at maaliwalas naman ang panahon sa nalalabing bahagi ng bansa kabilang na ang Metro Manila.