3 estudyante tiklo sa droga

Arestado ng mga operatiba ng Taguig City Police ang tatlong estudyante sa buy-bust operation.

Kinilala ang mga suspek na sina Lance Gabriel Visco, 20, binata, ng Bgy. Signal Village, Taguig City; Jessie Jay Pullente, 19, ng Bgy. North Signal Village at France Junnifer Monta, 19, ng Bgy. Central Signal.

Alas-8:00 ng gabi nang magsagawa ng buy-bust operation ang Station Drug Enforcement Unit sa pangunguna ni Cpt. Ariel Ilagan sa koordinasyon ng Philippine Drug Enforcement Agency (PDEA) RO-NCR sa kahabaan ng Sampaloc St., Bgy. Central Signal sa Taguig City na ikinaaresto ng mga suspek.

Nakumpiska mula sa mga suspek ang walong sachets na naglalaman ng hinihinalang marijuana na tumitimbang ng 100 gramo na nagkakahalagang P12,000 at paraphernalias; gray Hyundai Getz; P500 buy-bust money; brown wallet na may iba’t ibang IDs at P300 cash mula kay Jessie Jay Pullente.