Panelo, nakisawsaw sa mga pumuna sa SEA Games, pahiya
Tumindig ang balahibo ng mga nakapanood ng opening ceremony ng 30th SEA Games. Nganga ang mga kritiko!
***
Natameme si Presidential Spokesman Salvador Panelo na nakisawsaw sa fake news. Nakisali sa batikos si Panelo laban sa organizing committee na pinamumunuan ni Speaker Alan Peter Cayetano. May mali pa ba sa preparasyon?
***
Nagtsismis si Panelo na paiimbestigahan daw ng Malacañang ang iregularidad sa biennial meet. Dapat maging maingat ang tagapagsalita ng Malacañang para hindi siya mapahiya!
***
Namangha ang mga netizens at turista sa opening ceremony. Marami ang nag-post sa social media na “ikinararangal nila ang kanilang pagiging Pinoy”!
***
“Electrifying,” “amazing” “spectacular,” “world-class,” “stunning,” “fantastic”, “impressive” at iba pa. ‘Yan ang “one word” comment sa social media sa pagbubukas ng 30th SEA Games!
***
Humatol na ang mga millennial at gen-zers. Sabi nila, “proud moment”, “proud to be Pinoy”, “goosebumps”, “nakakaiyak” at iba pa. Sa tingin natin, naluha rin si Panelo lalo pa at mahilig siyang magsuot ng “modernong Barong Tagalog!
***
Sa unang araw ng kompetisyon, nagsalansan agad ng medalyang ginto ang mga atletang Pinoy. Mabuhay! Mabuhay!
***
Dapat nating maunawaan na pribadong aktibidad ang SEA Games at iba pang Olympic-attached regional meet.
Ang gobyerno ay suporta lamang dito at hindi kailanman dapat nakikialam sa aktuwal na aktibidad. Ipinagbabawal sa Olympic Charter ang anumang panghihimasok ng alinmang existing government — maging sa America!
Comments