U.S todo-kampi sa Hong Kong, reresbakan ng China
Suportado ng U.S. government ang pro-democracy protest sa Hong Kong.
Masakit na ‘left hook’ ito sa China!
◘◘◘
TINIYAK ng China na reresbakan nila ang Amerika.
Ito ang aktuwal na giyera-mundial!
◘◘◘
SINIBAK na si VP Leni bilang anti-drug czar.
A-czar, talo!
◘◘◘
TULOY pa rin ang giyera ng Turkey at Syria.
Maaaring maging grabe ito!
◘◘◘
LUMALALA ang sitwasyon sa Iran.
Isa ring posibleng ugat ito ng digmaang pandaigdig!
◘◘◘
INAAREGLO ni U.S. President Donald Trump ang Taliban para sa kapayapaan sa Afghanistan.
Sino ba ang nanggulo sa mga Afghans?
◘◘◘
DELIKADONG tamaan ng asteroid ang Pilipinas.
Ayon sa asteroid collector na si Abe Catiis ng Balagtas, Bulacan — milyun-milyon dolyar ang halaga ng isang dakot na asteroid.
May lihim na nagdarasal na bumagsak sa bahay nila ang naturang asteroid!
◘◘◘
INARESTO ang spokesman ng CPP-NPA habang nagpapagamot sa ospital.
Akala ko inaresto, habang tumataya sa jueteng!
◘◘◘
PALOLOBOHIN daw sa P12 K ang pensiyon ng mga senior citizens.
Pinaaasa lang sila sa wala!
◘◘◘
IBINABALA ang pagdating ng Bagyong Tisoy sa Central Luzon.
Baka lalahok sa SEA Games?
◘◘◘
BIYAYA ng Diyos kapag nagbagsak ng ulan sa Gitnang Luzon si 'Tisoy'.
Makarerekober ang Angat Dam.
Magiging swimming pool din ang New Clark City!
Comments