Drayber, hindi kasama sa batas-kasambahay
Dear Chief Acosta, Magandang araw! Nais kong malaman kung sakop din ba kaming mga family drivers sa “Domestic Workers Act”? — Felix
Dear Felix, Malinaw na binanggit sa Implementing Rules ng Republic Act (R.A.) No. 10361 o mas kilala sa tawag na “Domestic Workers Act” o “Batas Kasambahay” kung sino at hindi ang mga itinuturing na kasambahay at ang nasasakupan ng mga probisyon ng batas na ito:
“Section 2 Coverage.- This IRR shall apply to all parties to an employment contract for the services of the following Kasambahay, whether on a live-in or live out arrangement, such as but not limited to:
(a) General Househelp;
(b) Yaya;
(c) Cook;
(d) Gardener;
(e) Laundry person; or
(f) Any person who regularly performs domestic work in one household on an occupational basis.
The following are not covered:
(a) Service providers;
(b) Family drivers;
(c) Children under foster family arrangement;
(d) Any other persons who perform work occasionally or sporadically and not on an occupational basis.” (Binigyang-diin)
Malinaw sa nabanggit na pag-iisa-isa (enumeration) na ang mga family drivers na tulad ninyo ay hindi sakop sa Domestic Workers Act.
Nawa ay nasagot namin ang inyong katanungan. Nais naming ipaalala sa inyo na ang opinyong ito ay nakabase sa inyong mga naisalaysay sa inyong liham at sa pagkakaintindi namin dito. Maaaring maiba ang opinyon kung mayroong karagdagang impormasyong ibibigay. Mas mainam kung personal kayong sasangguni sa abogado.
Maraming salamat sa inyong patuloy na pagtitiwala.
Comments