Ken, 'di nakatiis, nagsalita na rin… Rita, sumikat lang, sumama na ang ugali, inirereklamo ng st

Erlinda Rapadas / Teka Nga

To the rescue at todo-depensa si Ken Chan sa ka-love team niyang si Rita Daniela na may isyu raw ngayon sa production staff ng One of the Baes.

May mga tsikang umiikot na diuma­no’y may attitude na raw si Rita simula nang sumikat ang love team nila ni Ken at magkaroon sila ng iba pang shows.

Depensa ni Ken (Grant sa OOTB), hin­di niya kinakitaan ng pagbabago si Jowa (Rita) at hindi totoo na may reklamo ang staff ng GMA-7 serye sa kanyang ka-love team. Araw-araw silang magkasama at alam na alam na raw niya ang ugali ni Rita.

Paliwanag naman ni Rita, maaaring na-misinterpret lang ng iba ang ikinikilos niya lalo na kapag siya ay pagod at wala sa mood, pero para silang pamilya sa teyping ng OOTB.