Podium finish, target ng PH Rugby Team sa SEAG

Medalya at podium ang pakay ng Philippine Volcanoes at ng National Women’s Rugby Team sa 30th Southeast Asian Games Rugby 7s na idaraos sa Dis. 7 at 8 sa Clark, Angeles City Parade Grounds.

“Our goal for Rugby 7s is achieve a podium finish in both the Men’s and Women’s,” ayon kay Jake Letts, General Manager ng Philippine Rugby Football Union Inc.

Nasa pinal nang pagsasanay ang teams bilang bahagi ng kanilang paghahanda para sa biennial meet kung saan ang Volcanoes ay naka-4th place sa 2017 edition sa Kuala Lumpur. Noong nakaraang Linggo, lumahok ang Volcanoes sa Tokyo 2020 Regional Qualifying Tournament para sa Olympic Games sa Korea, kung saan sila tumapos na malakas ang laban sa hosts at umangat ng 31-5 para ipakita ang kanilang kahandaan sa pagsabak sa SEAG.

Perpektong sandigan ng Volcanoes ang Korean Tournament upang masuri ang kanilang tibay laban sa mga karibal sa SEA Games tulad ng Thailand at Singapore.

“Both the men’s and women’s teams will continue their high performance training camps, along with gaining international exposure in regional Olympic Qualifying Events.

The Women’s Team just returned from China where they faced the Top 8 teams in Asia. Both (tournaments) are playing important roles for not only the 2020 Olympics but also the SEA Games,” ayon kay Letts, na naniniwalang ang Volcanoes ay may taglay na lakas upang gitlain ang SEAG rivals kabilang na ang defending champion Malaysia.

Ang Volcanoes ay kagagaling lang sa gold-medal finish sa Trophy Series noong Agosto at ibigay sa Pilipinas ang Top 8 sa Asya.