Santos, Tubid at Nabong suspended; NU, may new coach

Nagpasya ang management ng San Miguel Beermen na patawan ng indefinite suspension sina Arwind Santos, Kelly Nabong at Ronald Tubid matapos ang ginawa nilang gulo sa team practice noong Nob. 17.

Bagamat naayos na ang gusot at wala namang mga fans nang mangyari ang insidente, hindi naman kukunsintihin ng San Miguel ang unsportsmanlike behavior ng mga ito. Ayon sa SMB statement na inilabas sa media, “Basketball is a physical game where emotions can run high, but we believe that PBA players have to be held to a higher standard of professionalism and sportsmanship at all times. It is for this reason that we’ve come to this decision, even if it impacts our bid for a second franchise grand slam. Our commitment now, moving forward, is that we will work doubly hard and play our very best, for our fans and for the organization.” Samantala, hinirang na bagong head coach ng kanilang seniors squad ang high school basketball head coach ng National University na si Goldwin Monteverde.

Ang nasabing pagpili kay Monteverde ay inihayag sa post ng unibersidad sa kanilang opisyal na social media account.

Si Monteverde ang pumalit sa dating coach na si Jamike Jarin, na nakapagtala ng rekoird na 11-31, panalo-talo sa loob ng tatlong taon ng kanyang panunugkulan bilang mentor ng Bulldogs.

Nauna rito, napabalita ang pagbaba ni Monteverde sa puwesto bilang coach ng MPBL club team na Batangas-Tanduay Athletics, kung saan sinabi nitong dahilan na nais nyang mag-focus sa NU Bullpups sa kasalukuyang kumakampanya sa kabubukas pa lamang na UAAP Season 82 Juniors Basketball Tournament.