Piniling best sportsman/teams ang bibida sa SPIA Asia Awards

Isasagawa ang 5th edition ng SPIA Asia – Asia’s Sports Industry Awards & Conference – nangungunang sports business conference and awards platform sa Asya – sa Dis. 2-3 sa pakikipagtulungan muli ng TPB Philippines bilang major partner. Ang naturang programa na gaganapin sa Grand Hyatt Manila ay bahagi ng mga aktibidad sa 30th Southeast Asian Games na magsisimula sa Nobyembre 30 hanggang Disyembre 11. “We are delighted to announce our Partnership with TPB Philippines. Sport & Tourism go hand-in hand and this is no different in the Philippines. Every year, sport has a tremendous economic impact through the hosting of major sporting events as well as tourists entering the country to participate in leisure sporting activities such as golfing, swimming and diving”, pahayag ni Eric M. Gottschalk, CEO at Founder ng SPIA Asia.

Mahigit 600 delegado, kabilang ang 60 international speakers ang kumpirmadong lalahok sa programa na nakatuon sa iba’t ibang isyu ng sports na malapit sa masang Pinoy tulad ng ‘Business of Football”, eSports, rugby, basketball, motorsport, MMA/boxing, sports tech start-ups at iba pa.

Magbibigay din ng kanilang mensahe ang mga opisyal ng PHISGOC, ang organizing committee ng 30th South East Asian Games, habang kasabay na ilulunsad ang Asian Sponsorship & Events Association.