Arnis at Open Water Swimming tampok sa 1st TOPS anniversary

Bigating arnis at open water swimming athletes, ang dalawang sports na inaasahang mag-aakyat ng gold medals para sa nalalapit na 30th Southeast Asian Games ang tatalakayin sa 49th ‘Usapang Sports” ng Tabloids Organization in Philippine Sports (TOPS) ngayon sa National Press Club sa Intramuros.

Imbitado si Philippine Eskrima Kali Arnis Federation (PEKAF) president Sen. Juan Miguel Zubiri na dumalo sa lingguhang public service program at tatalakayin ang tsansa ng bansa sa biennial meet sa Dis. 1-3 sa New Clark City.

Ang talakayan ngayong araw ay kasabay ng unang taong anibersaryo ng “Usapang Sports”, ang weekly forum ng TOPS. Inaasahan din ang pagdalo sa 10 a.m. session sina PEKAF Executive Vice President Gerald Cañete, Executive Director Andrus Dominic Lacbayo at napiling national team athletes.

Sina Open water swimming coach Betsy Medalla at swimmers Ron Jairus Villamor at Joboy Gonzales ay magsasalita rin sa forum na inagapayan ng Philippine Sports Commission, National Press Club, PAGCOR at Community Basketball Association.

Panauhin din sina basketball stars Alvin John Capobres at Luke Parcero, na sasalang sa annual PBA Draft sa Dis. 8.

Ang TOPS ay livestreamed sa Facebook via Glitter na binubuo ng sports editors, sportswriters at photographers ng mga pangunahing tabloids sa bansa.