'Pag pumalpak.. Leni, sisibakan ko! — Digong

Nagbanta si Pangulong Rodrigo Duterte na sisibakin niya si Vice-President Leni Robredo bilang co-chair ng Inter-agency Committee on Anti-Illegal Drugs (ICAD) sakaling ibunyag ang mga importanteng usapin sa gobyerno na maglalagay sa panganib sa seguridad ng estado.

“There’s a limit to that. I know that she’s a lawyer and she has other advisers. There are certain matters that should be kept with the government, that classified matters cannot be shared. Once [she does] that, she’s out, I would fire her. Because you jeopardized the security of the state,” ani P-Duterte sa exclusive interview ng GMA News.

Una nang nakipagpulong si Robredo kasama ang United Nations Office on Drugs and Crime (UNODC), isang community-based advocacy groups at U.S. Embassy officials upang talakayin ang problema sa ilegal na droga sa bansa. Samantala, muling sinabi ng Pangulo na nakararanas siya ng mga sakit dahil na rin sa katandaan.

“Lahat ng sakit, nandito na sa ‘kin kasi matanda na ako. Kung sabihin mo, ‘Okay ka ba Presidente? Are you in the best of health?’ Of course not. I am old, life has begun to take its toll on my health. At kung sabihin mong may sakit ako, meron. You name it, I have it. Para wala na lang debate,” saad pa ng Pangulo.