7 years kulong at multang P. 5-M sa pagkuha at pagpapakalat ng piktyur ng pakikipag-sex o maselang b

Dr. Persida V. Rueda-Acosta / Magtanong Kay Attorney

Ayon sa Republic Act No. 9995 o mas kilala sa titulong “Anti-Photo and Video Voyeurism Act of 2009”, pinahahalagahan ng estado ang dignidad at karapatan ng tao sa kanyang pribadong buhay.

Dahil dito, pinarurusahan ang anumang aksiyon na maaaring makasira sa dignidad at integridad ng tao.

Isa sa mga uri ng panghihimasok at paglabag sa pribadong buhay ng tao ay ang “photo” o “video voyeurism”. Ang “photo” o “video voyeurism” ay ang aktong pagkuha ng larawan o video ng tao o grupo ng mga tao na gumagawa ng aktong seksuwal o aktibidad o ang pagkuha ng larawan o imahe ng mga pribadong parte ng katawan ng tao nang walang pahintulot ang nasabing tao na kinukuhanan ng larawan o video.

Ang mga sumusunod ay aktong pinarurusahan sa ilalim ng Section 4 ng “Anti-Photo and Video Voyeurism Act of 2009”:

(a) To take photo or video coverage of a person or group of persons performing sexual act or any similar activity or to capture an image of the private area of a person/s such as the naked or undergarment clad genitals, pubic area, buttocks or female breast without the consent of the person/s involved and under circumstances in which the person/s has/have a reasonable expectation of privacy;

(b) To copy or reproduce, or to cause to be copied or reproduced, such photo or video or recording of sexual act or any similar activity with or without consideration;

(c) To sell or distribute, or cause to be sold or distributed, such photo or video or recording of sexual act, whether it be the original copy or reproduction thereof; or

(d) To publish or broadcast, or cause to be published or broadcast, whether in print or broadcast media, or show or exhibit the photo or video coverage or recordings of such sexual act or any similar activity through VCD/DVD, internet, cellular phones and other similar means or device.”

Ang pagbibigay ng pahintulot ng tao o grupo ng mga tao na binabanggit sa naturang batas para makuhanan ang kanilang aktong seksuwal ay kaiba sa pahintulot nilang maipalabas o mailathala ang nasabing akto sa pamamagitan ng VCD/DVD, internet, cellular phones o kaparehong gadget.

Ang pagsasapubliko ng nasabing aktong seksuwal ay nangangailangan ng nakasulat na pagsang-ayon ng mga taong kasama rito.

Ang sinumang mapatunayang nagkasala ay maaaring maparusahan ng pagkabilanggo ng hindi bababa sa tatlong (3) taon subalit, hindi hihigit sa pitong (7) taon o pagbayad ng multa na hindi bababa sa P100,000 subalit, hindi tataas sa P500,000 o pareho ayon sa diskresyon ng husgado (Section 5; Penalties, Id.).