4 nalunod sa ilog, patay

Isang bata ang patuloy na hinahanap makaraang malunod sa isang ilog sa Bgy. Salinap, San Carlos City, Pangasinan.

Kinilala ng San Carlos City Police Station ang nawawala na si Dionisio Lacaba, 11-anyos. Samantala, apat sa mga kasama ni Lacaba ang kumpirmadong nasawi sa pagkalunod makaraang tangayin ng malakas na alon noong Miyerkules.

Unang natagpuan ang mga labi nina Jaymark Zuñiga, 10; Jaypee John Lacaba, 12, at Sheryl Tismo, 30, na naisugod pa ospital subalit, idineklarang dead-on-arrival.Natagpuan naman ang mga labi ni Reymart Peralta, 11, sa Barangay Salomague sa Bugallon.

Nabatid na special non-working holiday sa Pangasinan noong Miyerkules, November 13 kaya walang pasok ang mga estudyante.