Bong, balik-showbiz.. Unahin mo muna ang Senado — Bato

Pinaalalahanan ni Senador Ronald ‘Bato’ dela Rosa si Senador Ramon ‘Bong’ Revilla, Jr. na bigyang-prayoridad ang kanyang trabaho sa Senado kaysa pagbabalik sa telebisyon.

“Depende how he manage his time. First and foremost, he is a senator, pangalawa na ang pag-aartista. So, priority niya dapat trabaho niya dito. Alam niya ‘yan,” ani Dela Rosa matapos hingan ng reaksiyon sa pagbabalik-showbiz ni Revilla.

Napabalitang maggi-guest si Revilla sa “The Gift” ng GMA 7 at napaulat na gaganap sa isang drama-fantasy anthology na wala pang titulo.

Payo pa ni Dela Rosa, ibinoto umano si Revilla ng taumbayan kaya hindi niya dapat pabayaan ang kanyang trabaho sa Senado.

“Binoto siya ng taumbayan para maging senador, so priority niya ito. ‘Yung pag-aartista kaya niyang i-manage, alam niya ‘yan,” dagdag pa ni Dela Rosa.