Residential bulding nasunog, 3 patay
- Jeff Tumbado
- Nov 14, 2019
- 1 min read
Tatlo katao na sinasabing magkakaanak ang nasawi sa sumiklab na sunog sa isang residential building sa Rizal Ave., Bgy. West Bajac-Bajac sa Lungsod ng Olongapo.
Batay sa inisyal na ulat ng Bureau of Fire Protection (BFP), pasado alas-6:00 ng umaga ng Miyerkules nang mag-umpisa ang sunog.
Bigla umanong nagliyab ang auto-supply sa gusali at mabilis na kumalat ang apoy sa mga katabing bahay.
Sa pahayag ni Mayor Rolen ‘Lenj’ Paulino, Jr., posibleng na-trap ang tatlo sa gusali na dahilan ng kanilang pagkasawi.
Samantala, pasado alas-9:00 ng umaga nang ideklara itong fireout na umabot sa ikalawang alarma.
Comments