PNP official na sinibak dahil dawit sa pangingikil, ipinromote pa ni Gen. Gamboa
- Pabs Hernandez III
- Nov 14, 2019
- 2 min read
GEN. BALBA NA SINIBAK SA EPD, NA-PROMOTE PANG MPD DIRECTOR—Marami ang napataas ang kilay nang italaga ni PNP-OIC Lt. Gen. Archie Francisco Gamboa si dating Eastern Police District (EPD) Director Gen. Bernabe Balba na director ng Manila Police District (MPD).
Noong hepe pa ng EPD si Gen. Balba ay sinibak ito sa puwesto nang mahuli sa akto ng tropa ni dating NCRPO Director Maj. Gen. Guillermo Eleazar ang tauhan niyang si Cpl. Marlo Quebete na nangingikil sa misis ng drug suspect. Pagkatapos, ang ginawa ni Gen. Gamboa nang maging PNP-OIC siya, ipinromote pa si Gen. Balba at itinalagang head ng Manila Police District (MPD)! Pwe!!!
◘◘◘
MGA BATA NI GEN. BALBA, SANGKOT SA EXTORTION AT “TONGPATS” COLLECTION—Kung noong direktor pa ng EPD si Gen. Balba ay extortion sa drug suspect ang kinasangkutan ng tauhan niyang si Cpl. Quebete, ngayong director na siya ng MPD, isang “Tata Delo” na pulis-MPD ang tumatanggap daw ng payola sa bookies nina “Boy Abang” at “Paknoy” at lotteng nina “Don Ramon” at “Jun Moriones”.
Kung walang kinalaman si Gen. Balba sa raket ni “Tata Delo”, dapat ipatapon niya ito sa Mindanao at ipahuli ang lahat ng mga ilegalista sa Maynila, period!
◘◘◘
“CHAN PARAK”, DAPAT IPA-"TOKHANG” NI GEN. DANAO —Isang nagngangalang “Chan Parak” daw ang gumamit sa pangalan ni PNP-Region 4-A Director Gen. Vicente Danao, Jr. para makapag-operate ng jueteng si “Areza” sa jurisdiction ni Col. William Segun sa Cavite.
Naku malamang, “tokhang” ang abutin ni “Chan” kasi ang warning noon ni Gen. Danao, may “paglalagyan” sa kanya sinumang gagamit sa kanyang pangalan sa kawalanghiyaan, abangan!
◘◘◘
“NO TAKE POLICY” NI GEN. GAMBOA, “NINGAS-KUGON” —Tila “ningas-kugon” at pabida lang ang direktibang “no take policy” ni Gen. Gamboa para mapansin siya ni P-Duterte at magbakasakaling maitalagang PNP chief.
Mantakin n’yo, may “no take policy” na, pero may pulis na “Tata Delo” na “tongpats” collector sa Maynila at may “Chan Parak” na jueteng protector sa Cavite, buwisit!
Comments