Netizens, todo-palag… Serye ni Alden, binantaang iboboykot ng fans 'pag ipinasok si Sen. Bong
- Vinia Vivar
- Nov 14, 2019
- 1 min read
Nag-trending last Tuesday sa Twitter Philippines ang hashtag na “NoToBongRevillaOnTheGift” dahil sa balitang magge-guest daw si Sen. Bong Revilla, Jr. sa seryeng The Gift ni Alden Richards.
Ayaw ng mga netizens ang nasabing ideya at nagpahayag na hindi nila susuportahan ang The Gift kung matutuloy nga ang pagpasok ni Sen. Bong dito.
Nag-ugat ang galit ng mga tao sa senador dahil sa plunder case nito na natapos na last year at “not guilty” ang hatol ng korte.
Kung kami ang tatanungin, wala kaming makitang masama kung mag-guest man si Sen. Bong sa The Gift dahil for sure ay marami pa rin ang nag-aabang ng kanyang pagbabalik sa pag-arte.
Pero para sa ikatatahimik ng mga nagwawalang netizens, wala pong katotohanan na papasok si Sen. Bong sa The Gift, ayon mismo sa program manager na si Helen Sese.
Ang alam naming magge-guest sa The Gift ay si Manila Mayor Isko Moreno at noon pa talaga ito napapabalita. Ayon kay Miss Helen, inaayos pa ang schedule ng alkalde at abangan na lang natin ang confirmation if ever.
Comments