Ikinasal sa panaginip kahit walang BF, sign na hindi dapat magmadaling magkadyowa

Socrates Magnus

Salaminin natin ang panaginip ni Ambhie ng Ambhie_Salvhie@face-book.com

Dear Professor,

Nanaginip ako na ika­kasal na ako ngayong ling­go at Dion ang pangalan nang mapapangasawa ko, ga-yundin, guwapo, ma­haba ang buhok at maputi siya.

Tapos, may kasama kaming kaibigan na mabait at mukhang maykaya sa buhay.

May mga kausap siya at sinabing bukas na bukas ay aayusin na ang lahat at si­simulan na ang pagluluto.

Nagtataka ako dahil kung talagang ikakasal ako, bakit wala akong gi­nagawa?

Para akong donya at gusto nila na sila lang ang gumagawa dahil ayaw nila akong patulungin.

Ano ang ibig sabihin ng panaginip ko? Sana ay ma­sagot n’yo ito.

Naghihintay,

Ambhie

Sa iyo Ambhie,

Masasalamin sa iyong panaginip na nabubuhay ka sa kalungkutan at dahil hin­di puwedeng pagharian ng ka­lungkutan ang tao sa ma­tagal na panahon, gumawa ng paraan ang iyong hindi nakikitang sarili sa pana­ginip upang sumaya ka.

Kitang-kita na ikaw ay loveless, as in, zero ang love life mo, pero nilinaw ng iyong panaginip na hindi ka dapat mawalan ng pag-asa dahil sinabi rin ng iyong pa­naginip na matatagpuan mo rin ang lalaking ipinagka­loob sa iyo ng langit.

Minsan, nakakainggit ang mga may karelasyon. Minsan, parang masarap ang may nagmamahal.

Minsan, nasasabi natin na bakit sila, masaya at ma­ligaya, pero ang totoo, ang nakita nating masaya dahil may karelasyon ay ating ka­aawaan dahil nahiwalay, ini­wan at nasira ang buhay.

Ang tunay na dahilan ay ang pagmamadali na mag­mahal kaya tulad ng mada­las nating naririnig, ang nag­mamadali ay nadarapa at na­sasaktan, samantalang ang mga naghihintay ay tu­nay na lumiligaya sa buhay.

Muli, ayon sa iyong pa­naginip, makapag-aasawa ka kaya huwag kang ma­walan ng pag-asa.

Hanggang sa muli, Professor Seigusmundo del Mundo