Tancontian, dadale ng podium sa World Sambo Championships

Muling susubukan ni 2-time World Championships bronze medal winner Sydney Sy Tancontian na mas maiangat pa ang natamo nitong medalya sa pandaigdigang torneo sa pagsalang nito sa World Sambo Championships kahapon sa Seoul, South Korea.

Asam ng 19-anyos na tubong Davao City na mahigitan ang nakuha niyang bronze medal sa Bucharest, Romania noong 2018 kung saan lalaban ito sa 80kgs category. “We are hoping for a positive result for Sydney’s campaign this year kase ang World Championships ang maraming countries ang sumasali yearly,” pahayag ni Pilipinas Sambo Federation Inc. treasurer Janet Sy Tancontian sa BULGAR. “Mas gusto sana natin na maabot niya ang championship. Mahirap kase ma-predict dahil maraming malalakas na kalaban sa category niya,” dagdag nito na makakasama ni Sydney kasama si Foreign coach at multiple World at European champion Mikhail Martynov ng Russia sa Korea.

Noong nakaraang buwan ay nakuha ni Tancontian ang bronze medal sa 2019 World Youth and Juniors Sambo Championships sa Tashkent, Uzbekistan matapos dominahin ang Ukranian samo artists na si Tetiana Kostenko.

Napagwagian ni Tancontian ang kanyang unang bronze medal sa World Sambo Championships noong 2018 na ginanap sa Bucharest, Romania, habang sinundan ito ng isa pang bronze medal sa 2019 Sambo World Cup Kharlapiev Memorial Competition sa Moscow, Russia nitong Marso ngayong taon.

Naghahanda si Tacontian sa dalawang event para sa darating na 30th Southeast Asian Games simula Nob. 30-Dis 11 kung saan sasabak ito sa under 80kgs Sport Women category ng Sambo at 70kgs division ng Kurash.