SEAG volunteers, workers at mga atleta, naka-insured

Hindi na iisipin pa ng mga atletang pambansa maging ng mga volunteers at manggagawa ng 30th Southeast Asian Games sakaling abutin sila ng hindi magandang pangyayari o aksidenteng maganap sa kasagsagan ng kompetisyon, matapos lagdaan ng Philippine Sports Commission (PSC) at Standard Insurance Company Inc. ang isang kasunduan.

Isang memorandum of agreement (MOA) ang pinirmahan sa pagitan nina PSC Chairman at Chef de Mission William “Butch” Ramirez at Standard Insurance Group chairman Ernesto Echauz kaantabay ang Philippine Southeast Asian Games Organizing Committee (Phisgoc).

“The successful hosting of the SEA Games also involves the security of our athletes and officials, in and out of the games. We thank Standard Insurance for offering their service not only to Team Philippines, but also to all the other delegates in this SEAG,” pahayag ni Ramirez sa naturang seremonya

Inaasahang aabot sa 25,000 athletes, team officials, games workforce at volunteers ang masasakop ng naturang usapan na nagsimula Okt. 13 hanggang Dis. 15 ngayong taon, kung saan masusubukan ito sa mga panimulang laro ng Football at Water Polo events hanggang sa magbukas ang pormal na opening ceremonies sa Nob. 30. “Each covered person will have PHP300,000 insurance coverage. The declaration of covered persons shall come from Phisgoc,” wika ni Echauz, na siya ring president ng Philippine Sailing Association.

Sakop ng Standard Insurance ang death o ano mang accident related injuries, na siya ring sakop ang kahit anong sport related injuries kabilang ang training o in-game injuries.

Ang mga sports injuries na nagmula sa sabotahe o may kinalaman sa terorismo ay sakop din ng polisiya. “This is one benefit we wish no one needs to claim,” saad ni Ramirez.