‘Pinas, hindi makapalag sa China, underdog na, todo-pasa pa rin!

Nasa likod ni VP Leni Robredo si Sen. Panfilo “Ping” Lacson.

Pero ang unang payo ni Sen. Lacson kay VP Leni ay “watch your back!”

◘◘◘

TUMAAS na ang presyo ng itlog.

Ibinawal na ang longganisa at hotdog dahil sa African Swine Fever (ASF).

Paano na ang mga matrona?

◘◘◘

LUMILINDOL sa Mindanao.

May malaking baha sa Cagayan.

Nawawasak na ang dulo ng Pilipinas.

Nanangkupooo!

◘◘◘

YUMAO na si John Lim Gokongwei, Jr. sa edad na 93.

Siya ang may-ari ng Universal Robina Corporation at iba pang malalaking negosyo sa bansa.

Pero, wala itong kaugnayan sa ASF!

◘◘◘

MAKIKINABANG si VP Leni sa bagong posisyon na inialok ni P-Digong.

Malilibre siya sa multibilyong pisong halaga ng publisidad!

◘◘◘

NANGANGANIB na maisara ang isa sa dalawang pangunahing TV networks.

Maghihintay sila sa pagbabago ng liderato sa Malacañang bago makaporma ulit!

◘◘◘

ISA na namang kadete ang namatay sa PMA.

Hindi kaya na-infiltrate ang akademya ng mga Abu Sayyaf?

◘◘◘

NAOSPITAL si Bong Tan ng PAL matapos mag-basketball.

Baka naman hindi siya nakapag-shoot sa ring?

◘◘◘

MINAMARKAHAN pa rin ng Immigration sa Pilipinas ang pasaporte ng mga Chinese kahit may mapa ito ng “nine-dash territory”.

Talagang kaawa-awa ang mga Pinoy.

Wala kasing “yagbols”!

◘◘◘

WALANG ulat ang gobyerno kaugnay sa bagong pagkukunan ng tubig ng mga taga-Metro Manila.

Tubig, tubigg, tubiggg!!!

. .