4 estudyante, huli sa aktong nagdodroga

Apat na estudyante ang nahuli sa aktong gumagamit ng marijuana sa Bgy. Tambak, New Washington, Aklan.

Kinilala ni Major Frenzy Andrade ng Provincial Drugs Enforcement Unit-Aklan ang mga suspek na sina Robby Prayl Tabulinal Doque, 20; Von Gielo Ambrocio Rebenito, 19; Kenno Dave dela Torre Supetran, 19, at Angelo Vrian John Agustin Pabayo, 23.

Sa panayam, napag-alaman na si Tabulinal ang target sa operasyon kung saan narekober ang tatlong sachets ng marijuana kapalit ng P3,000 buy-bust money.

Napag-alaman na si Tibulinal ang nagbebenta ng droga sa mga estudyante ng iba’t ibang paaralan sa lugar kung saan bumibili ito ng supply sa kalapit na probinsiya at ibebenta online.