Donaire, taob kay Pacquiao na mas gumagaling habang tumatanda

Pinag-aaralan na ng Korte Suprema na maglabas ng desisyon sa Maguindanao massacre.

Mainam naman!

◘◘◘

HINDI malaman kung nakaiskor si VP Leni Robredo sa pagtanggap bilang Anti-Drug Queen.

Talagang maselan ang diskarte!

◘◘◘

MARAMI ang nagtataka, imbes na si ex-Sen. “Bongbong” Marcos ang bigyan ng bagong puwesto ni P-Digong ay si VP Leni ang napagdiskitahan.

Imbes na maghintay sa resulta ng protesta, dapat ipinuwesto ni P-Digong ang anak ni ex-P-Marcos!

◘◘◘

NATALO si Pinoy boxer Nonito Donaire, Jr. ng isang Japanese monster boxer.

Hindi siya sumuko at umatras kahit nasaktan ng Japanese.

Bugbog-sarado rin naman ang ‘monster’!

◘◘◘

MAS lumutang ang kadakilaan ni Sen. Manny Pacquaio sa laban ng 36-anyos na si Donaire.

Mas tumatanda si Pacquiao, lalo na siyang humuhusay bilang boxer, pulitiko at artista!

◘◘◘

IPINASARADO ang stock brokerage firm dahil sa pagnanakaw ng stocks ng mga kliyente.

‘Yan ay tipikal na cyber crime!

◘◘◘

IPINASUSURI ang kalidad ng mga ginagamit na hollow blocks dahil sa pagguho ng mga bahay sa Mindanao.

Bakal sa poste at pundasyon ang dapat suriin imbes na hollow blocks!

◘◘◘

DUMARAMI na naman ang mga magnanakaw at kriminal sa Metro Manila.

Anubayannn?

. .