Spa na sex den, buking

Apat katao ang arestado nang salakayin ng mga pulis ang isang spa sa Bacoor, Cavite, na umano’y pugad ng prostitusyon.

Sampung babae ang nasagip sa nasabing operasyon sa Bgy. Panapaan IV.

Kabilang sa mga naaresto ang kahera at roomboy ng spa at dalawang parukyano.

Batay sa imbestigasyon, matapos magmasahe ay nag-aalok umano ng extra service ang mga babae.

Ipinag-utos na ng pamahalaang lokal ng Bacoor na ipasara ang establisimyento at kasuhan ang apat na inaresto habang sasailalim sa counseling ang mga nasagip na babae.