Multa sa magkakalat ng fake news tungkol sa sunog
Dear Chief Acosta, Magandang araw! Nais kong malaman kung ano ba ang kaukulang parusa sa mga taong nanloloko at nagsasabi o nagkakalat ng balitang mayroong sunog kahit wala naman? — Janina
Dear Janina, Para sa inyong kaalaman, ang inyong katanungan ay tinatalakay sa Rule 12, Section 12.0.0.4 (B) (4) (i) ng Implementing Rules and Regulations (IRR) of Republic Act No. 9514 o mas kilala bilang “Fire Code of the Philippines of 2008” kung saan nakasaad ang kaukulang parusa sa sinumang magbibigay ng maling impormasyon tungkol sa pagkakaroon ng sunog. Ayon dito:
“4. Failure to observe the following declared prohibited acts and omissions as required under Section 8 of Republic Act No. 9514.
DESCRIPTION
d. Giving false or malicious fire alarms.” [Binigyang-diin.]
SCHEDULE OF FINES
PhP 4,000 to PhP 12,500
Nawa ay nasagot namin ang inyong katanungan. Nais naming ipaalala sa inyo na ang opinyong ito ay nakabase sa inyong mga naisalaysay sa inyong liham at sa pagkakaintindi namin dito. Maaaring maiba ang opinyon kung mayroong karagdagang impormasyong ibibigay. Mas mainam kung personal kayong sasangguni sa abogado.
Maraming salamat sa patuloy ninyong pagtitiwala.
Comments