Mga Cong. na ang lalaki ng pork barrel, dedma sa lindol sa Mindanao
VIETNAM, MANUFACTURER NA NG KOTSE; INDIA, MAY APPARATUS NA SA BUWAN HABANG SA ‘PINAS, DAING AT TUYO, MAGKAKA-TAX NA—Kamakailan, naibalita na ang Vietnam ay gumagawa na rin ng kotse para kumpitensiyahin ang ibang bansa na manufacturer ng mga sasakyan.
Samantala, sa India naman ay natupad na ang kanilang space dream nang makapagpadala sila ng kanilang apparatus sa buwan.
‘Yan ang mga good news sa dalawang bansang ito sa Asya, pero sa Pilipinas, naku po, ang balita ay “daing at tuyo, papatawan ng tax,” boom!
◘◘◘
MGA CONG. NA MAY “PORK BARREL”, DEDMA SA MGA BIKTIMA NG LINDOL SA MINDANAO?—Nag-viral ang pagbibigay-tulong nina Angel Locsin at Manila Mayor Isko Moreno sa mga biktima ng lindol sa Mindanao.
Pero ang mga mapeperang kongresistang may pork barrel, “nganga” lang kasi wala pa silang naibibigay na tulong, mga buwisit!
◘◘◘
RAKET NI “DELIO”, BAKA KAY MPD DIRECTOR BALBA MAG-‘BOOMERANG’? — May direktibang “no take policy” si NCRPO Director Gen. Debold Sinas, pero sa Maynila raw ay may isang “Delio” na nanghihingi ng “tongpats” sa mga ilegalista.
Dapat ipahuli ni newly appointed MPD Director Gen. Bernabe Balba si “Delio” kasi baka sa kanya mag-”boomerang” ang raket ng “tongpats” collector na ito, period!
◘◘◘
MGA HEPE SA QC, TAGILID SA JUETENG — Sa kabila na may kampanya si QCPD Director Col. Ronnie Montejo laban sa mga ilegalista, parang kabuteng nagsulputan naman ang jueteng nina “Dudong” sa Laloma, Masambong at Talipapa; “Baby” sa Novaliches at “Conrad” sa Cubao, Quezon City.
Kapag hindi “tinokhang” nina Stn. 1 Lt. Col. Camlon Nasdoman; Stn. 2 Lt.Col. Rodrigo Soriano; Stn. 3 Lt. Col. Benjamin Gabriel at Stn. 4 Lt. Col. Rossel Cejas ang mga jueteng lords sa kanilang jurisdiction, malamang, sibak ang aabutin nila kay Col. Montejo, abangan!
Comments