P-Digong kay VP Leni: 3 years, hawakan mo ang drug war

Handa si Pangulong Rodrigo Duterte na ipagkaloob kay Vice-President Leni Robredo hindi lang ang anim na buwan kundi ang buong natitirang taon na termino nito para pamunuan ang kampanya kontra ilegal na droga.

“Bakit ko bigyan si Leni ng six months? Eh, ibigay ko ‘yung lahat ng — the remaining term, the remaining days of my term. Kung gusto niya,” ani P-Duterte.

Bibigyan umano ng Punong Ehekutibo si Robredo ng buong kapangyarihan upang resolbahin ang problema sa droga. “Eh siya ‘yung madaldal, eh. Dito pati sa labas. O, baka may alam siya na mas mabuting… If she knows a better method of dealing with the problem, then baka may ano talaga,” ani Pangulong Duterte.

“If you criticize, you must have the answer. If you question, you must have the answer. Huwag kang magdala ng problema sa akin,” wika ng pangulo.

“Presidente, ganito, ganito, ganito, ganito.” Tanungin kita, “O sige, anong bu — mabuting gawin natin?” Kaya ‘yan ang tanong ko sa kanya ngayon. Eh, madaldal ka doon, nagdadaldal ka pa sa labas, eh, about…,” dagdag pa ng Chief Executive.