Aktor, todo-deny pa raw… Gina Pareño, ibinulgar na “binaboy” siya ni Baron

Ronalyn Seminiano / Showbiz Trends

Ibinulgar ni Gina Pareño na hinawa­kan ng aktor na si Baron Geisler ang boobs niya no­ong nagsu-shooting sila sa Subic para sa isang pelikula. Pero, idinenay naman ni Baron ang sinabi ni Gina.

Ani Baron, “Hindi. Nag­bibiro lang ‘yan. Nagbibiro lang si Ma’am. Hindi totoo ‘yun. Joker. Pilyo lang. We love to joke around. Kasi nagkatrabaho na kami ni Ma’am Gina sa dalawang teleserye. Nagkatrabaho yata kami sa Tayong Dalawa, kung anu-ano pang pelikula, mga independent movies, so you know… we go back way talaga. Kasi everybody was so serious kanina and I just wanted to break the ice. Pero malamang, papagali­tan ako ng pastor ko!”

Nang magkita ang dala­wa kahapon sa storycon ng pelikula nilang Tililing, may ini-reveal si Baron patungkol sa “panghahawak ng boobs issue.”

Ani Baron, “Puwede bang mag-share? Kasi kanina, bago pumasok dito, tinanong po kami ni Mr. Mario Dumaual na parang, ‘Baron, magbago ka na. Si Ms. Gina, may tililing ‘yan.’”

Ang sagot naman daw ni Gina, “‘Hindi, si Baron nga ang mas may tililing, eh. Nanghahawak ‘yan ng suso,’” at kasunod daw nu’n ay hinawakan ang ‘bird’ ni Baron.

“Nagulat ako, ah! Ramdam ko ‘yun, ah, nagkaroon ako ng electricity, eh. May asim pa. May asim pa. Tinililing niya ‘yung tililing ko!” dagdag pa ni Baron at tawa naman nang tawa ang lahat pati si Gina.

Ikinuwento ni Gina ang nangyari. Aniya, “Kasi nga, may dati kaming ek­sena nu’ng araw n’yan. Matagal na ‘yun. Aba’y naglalakad kami sa teyping, sa shooting, biglang ginanu’n (hina­wakan) ‘yung boobs ko.”

Mabilis namang sagot ni Baron, “Hindi, ah! Gumagawa lang ‘yan! Ano’ng…! Nag­bagong-buhay ako!” sabay hawak sa braso ni Gina at sinabing “Nandiyan ‘yung asawa ko!”

Seryosong sabi naman ni Gina, “Ay, sorry po, misis. Misis, sorry po.”

Pero lahat ay muling nagtawanan sa dagdag nitong “Dati pa ho ito, nu’ng wala pa kayo sa buhay niya.”

Patuloy pang kuwento ni Gina, dahil daw sa ginawa ni Baron sa kanya ay na-out of balance siya pero ‘kalokah naman na ginantihan niya ang aktor.

“Sabi ko, ‘Ikaw talaga,’ sabay dakma [sa harap ni Baron]. Huwag mong gagawin sa akin ‘yan, huwag mo akong babuyin. Babalikan kita. Ako… kakalbuhin ko ‘yan. Salung-salo!!!” sabi pa ng aktres.

‘Kalokah!