Tulong ng mga taga-Luzon at Visayas, kailangan ng mga taga-Mindanao

Huling araw na ngayon ng Oktubre.

Nakapagrosaryo ba kayo kahit minsan?

◘◘◘

HALLOWEEN party na mamaya.

Mag-ingat ang mga “pogi”!

◘◘◘

NAGDURUSA ang mga biktima ng lindol sa Mindanao.

Dapat sumaklolo ang mga taga-Visayas at Luzon!

◘◘◘

DAPAT may toka ang mga lalawigan sa Visayas at Luzon kung aling bayan ang sasaklolohan sa Mindanao.

Kapag dumanas ng ‘Big One’ ang Luzon — ang mga taga-VisMin ang tanging makakasaklolo sa kanila!

◘◘◘

HINDI makakasaklolo ang mga taga-Luzon kapag may malakas na lindol sa Luzon dahil lahat sila ay biktima.

‘Yan ang angkop na iskema ng pagtulong sa panahon ng ‘Big One’!

◘◘◘

DAPAT nating maunawaan ang lahat ay magiging biktima — kasama ang nagpraktis na mga rescuers na taga-Metro Manila kapag lumindol sa Kamaynilaan.

Ang sasaklolo sa trahedya ay mula sa mga lugar na hindi biktima ng lindol.

Simpleng sentido-kumon ‘yan, pero hindi naiisip ng mga eksperto!

◘◘◘

MAY tama ng ASF ang mga processed foods.

Ang kontaminadong pagkain ay hindi agad eepekto sa “kumain” nito, bagkus, sa katagalan pa mararamdaman!

◘◘◘

DAPAT nang ipagbawal ang baboy sa buong bansa upang mabilis na mapuksa ang ASF.

Dapat magdesisyon agad ang gobyerno bago mahuli ang lahat!

◘◘◘

MARAMI na ang nagpupunta sa sementeryo ngayong bisperas ng Undas.

Malaki ang tama ninyo!

◘◘◘

MABILI ang diyaryo sa araw ng Todos Los Santos.

Puwede kasing gamiting “higaan at upuan” sa nitso!

. .