PH soft netters, lalahok sa world tourney

Pumasok na ang Philippine Soft Tennis National Team sa final phase ng kanilang ensayo para sa 30th Southeast Asian Games sa pagsabak nila sa 16th World Soft Tennis Championships sa Taizhou, Zheijang Province, China.

Sa pangunguna nina Joseph Arcilla, Noel Damian Jr., Bien Zoleta-Mañalac at Princess Catindig, ang 11-member soft tennis team ay may mataas na pag-asa sa world tournament para sa mas tumaas pa ang antas ng laro ng nakaraan.

Matatandaang naka-podium ang Pilipinas sa back-to-back world championships noong 2011 kung saan naka-bronze medal sa Men’s Singles si Arcilla at noong 2015 ay naka-third-place sa Women’s Singles si Zoleta-Mañalac.

Nakuha ni Josephine Paguyo ang unang bronze ng bansa sa world tourney noong 1995 edition.

Ang soft tennis team (six men & five women) sa world championships ay sisimula sa Nob. 1, na may entries sa men’s & women’s singles, men’s & women’s doubles, mixed doubles, men’s & women’s team event.

Inaalalayan sa pinansiyal na aspeto ng ahensiya ni Philippine Sports Commission (PSC) Chairman William “Butch” Ramirez ang national sports associations (NSAs) upang matiyak ang malakas na laro sa SEAG.

Sa pangunguna nina Arcilla at Zoleta-Manalac, umaasa ang Pilipinas na malampasan ang 1 silver at 5 bronze medals sa Palembang, Indonesia noong 2011 SEAG noong huling ang soft tennis ay kabilang sa biennial tournament.

Ang iba pang miyembro ng team ay sina Catindig, Bambi Zoleta, Erdilyn Peralta, Damian Jr., Mark Anthony Alcoseba, Mikoff Manduriao at Dheo Talatayod.