Dragon boat, sasagwan sa 2019 ICF World Cup

Malakas na pagtatapos ng laban ang inaasahan ng Pinoy na mananagwan sa pagsagupa sa 30th Southeast Asian Games.

Pakay nina National team head coach Len Escollante na masungkit ang tatlo sa anim na gold medals na nakataya sa canoeing at kayak events ng prestihiyosong biennial meet sa Nob. 30 hanggang Dis. 11 na idaraos sa Maalawan Park sa Olongapo City.

Sinabi ni Escollante, miyembro ng National Women’s Volleyball Team na naka-gold medal noong 1993 SEA Games sa Singapore na umaasa sila ng golden performance sa 1,000-meter at 200-meter mixed standard boat events maging sa 500-meter men’s four-seater event ksunod ng kanilang impresibong paghahanda sa nakaraang dalawang buwan.

Darako ang national paddlers sa Ningbo, China ngayong araw upang sumagupa sa 2019 ICF Dragonboat World Cup, kung saan sasagwan doon ang pinakamahuhusay na atleta sa mundo. “We are eyeing to win at least three of the six gold medals at stake,” ayon kay Escollante at idinagdag niya na ang World Cup ay paghahanda nila para sa SEAG. “I’m glad that this World Cup came at least a month before the SEA Games. At least we can see where we are right now in terms of preparation and what are the areas we need to improve on as we head to the Southeast Asian Games.” “As we know, the SEA Games will be held in the country. We have an advantage over the climate, the wind condition and the boats. We want to come up with a good finish and make the country proud.” Pinasalamatan din ni Escollante ang Philippine Sports Commission (PSC), sa pamumuno ni chairman William “Butch” Ramirez sa pag-agapay sa koponan.