Pasadong fisheries professional, hindi mabibigyan ng lisensiya kung guilty sa krimen at imoral

Dr. Persida V. Rueda-Acosta / Magtanong Kay Attorney

Dear Chief Acosta, Nakapasa ako sa eksaminasyon para maging Fisheries Professional. Nais kong malaman kung may pagkakataon ba na hindi ako mabibigyan ng Certificate of Registration at Professional Identification Card (ID)? — Ysabela

Dear Ysabela, Ang batas na sumasaklaw sa inyong sitwasyon ay ang Seksiyon 21, Artikulo III, ng Republic Act No. 11398 o mas kilala bilang “Philippine Fisheries Profession Act” kung saan nakasaad ang sumusunod:

“Sec.21. Non-issuance of Certificate of Registration and Professional Identification Card – The Board shall not register and issue a certificate of registration to any successful examinee that has been convicted by a court of competent jurisdiction of any criminal offense involving moral turpitude, or has been found guilty of immoral or dishonorable conduct after investigation by the Board, or has been declared to be of unsound mind. The reason for refusal shall be set forth in writing.” (Binigyan-diin)

Malinaw sa mga nabanggit na maaaring hindi mabigyan ng Certificate of Registration at Professional Identification Card (ID) ang successful examinee kung mapatutunayan na siya ay naging guilty sa krimen na may kaakibat na moral turpitude, immoral o dishonorable conduct o kaya ay wala siya sa matinong pag-iisip. Sa inyong sitwasyon, maaari kayong hindi mabigyan ng lisensiya bilang fisheries professional kung kabilang kayo sa mga nabanggit na sitwasyon o kondisyon.

Nawa ay nasagot namin ang inyong katanungan. Nais naming ipaalala sa inyo na ang opinyong ito ay nakabase sa inyong mga naisalaysay sa inyong liham at sa pagkakaintindi namin dito. Maaaring maiba ang opinyon kung mayroong karagdagang impormasyong ibibigay. Mas mainam kung personal kayong sasangguni sa abogado.

Maraming salamat sa patuloy ninyong pagtitiwala.