IM Bersamina, malupet sa Asean Chess Vietnam

Nagpapakita ng magandang porma sa kanyang paghahanda para sa nalalapit na SEA Games si International Master Paulo Bersamina at nga­yon ay mag-isang nangu­nguna sa 2019 ASEAN Men’s at Wo­men’s Chess Cham­pion­­ships sa Viet­nam.

Halos walang dungis na apat na panalo at isang tabla ang kasalukuyang rekord ng mandirigma sa ahedres mula sa Pili­pinas pagkatapos ng limang sa­lang sa board.

Isa sa mga napun­tusan ni Bersamina ay si Viet­namese Grandmaster Duoc Hoa Nguyen (rating: 2417) nang magkaharap sila sa pangat­long round at si FM Hoang Minh Le (rating: 2280) mula pa rin sa Viet­nam noong round 4 na­man.

Nagpipilit nag maka­habol para mapigi­lan ang Pi­noy chesser ay ang mga ki­natawan ng punong-aba­lang Vietnam.

Kalahating puntos sa likod ni Bersamina (ra­­ting: 2457) ay topseed at IM Minh Tuan Le na may 2515 na rating.

Tatlong Viet­na­mese rin ang magkaka­salo sa pa­ngatlong puwesto bitbit ang tig-3.5 puntos na kar­tada. Ito’y sina Candidate Master Hy Quoc Nguyen (rating: 2129), FIDE Mas­ter Son Hoang Dang (ra­ting: 2306) at IM Ang The Duong (rating: 2320).

Samantala, nakaupo rin sa unahan ng pulutong ng 2019 Pattaya Open Chess Tournament sa Thailand si Pinoy Grandmaster John Paul Gomez matapos itong makakulekta ng anim na pun­tos mula sa pitong rounds ng bakba­kan.

Kasosyo niya sa pag­hawak ng liderato ang Thai na si FM Thanadon Kul­pruethanon.

Kasama si GM Buena­ventura Villamayor, ang da­­ting Asian jr. chess king mula sa Pilipinas at nga­yon ay kuma­katawan na sa Sin­gapore, sa lima-ka­ta­ong gru­po na may dalang 5.5 pun­tos.

Bahagi rin ng pulutong na may malaking tsansa pa sa podium ang mga Pinoy na sina IM Haridas Pascua at FM Severino Sander at si Indian GM Roy Sap­tarshi.