C5 extension, naayos na

Itinurnover kahapon ng Cavitex Infrastructure Corporation (CIC) ang bagong kumpuning Kaingin Road sa Department of Public Works and Highways (DPWH) at lokal na pamahalaan ng Parañaque City.

Ininspeksiyon nina DPWH Secretary Mark Villar, mga opisyal ng CIC, Parañaque City Mayor Edwin Olivarez at Congressman Eric Olivarez ang Kaingin Road na tuluyang binuksan kahapon ng hapon na inaasahang magpapagaan ng trapik sa tinatayang 89,000 motorista na dumaraan sa nasabing kalsada kada araw.

“We do not expect instant decongestion; fixing the road will not lessen the vehicles, but it will make passage untroubled, smoother,” ani Bobby Bontia, presidente at general manager ng CIC.

Samantala, nakikitang problema ng CIC ang pagkakaantala ng konstruksiyon ng Segment 3B na elevated subway sa C5 Link Expressway dahil maaapektuhan ang halos 200 informal settlers na nasa Kaingin Road.