10 Sayyaf, sumuko
Jeff Tumbado
Oct 30, 2019
1 min read
Pormal na sumuko sa militar ang nasa 10 miyembro ng ISIS terror linked na Abu Sayyaf Group sa Ungkaya Pukan, Basilan.
Ayon kay Western Mindanao Command (WestMin Com) Spokesman Major Arvin Encinas, ang sampung sumuko ay pawang mga tauhan ni Abu Sayyaf leader Furuji Indama.
Ang mga teroristang nagbalik-loob sa gobyerno ay nakilalang sina Masbil Hoben, Haidal Tadling, Tong Sarunan, Said Kapon, Atung Ajallun, Samatin Matindo, Mulhakim Alabin, Asanuddin Dailon, Andoy Pingli at Sanny Arasain.
Isinuko rin nila ang matataas na kalibre ng armas sa 18th Infantry Battalion ng Philippine Army.
Ayon kay Encinas, aabot sa 32 armas ang isinuko na kinabibilangan ng ultimax, dalawang M14, apat na M16, isang M203, apat na carbines, at 20 garand rifles.
Comments