Yes Pinoy Santa Run arangkada sa ASEANA

Photo: runrio.com

Ang pinakamasayang fun run para wakasan ang taon, ang “Santa Run Philippines”, ay gaganapin sa Disyembre 8 sa ASEANA City sa Parañaque simula 4:00 a.m. Ang malilikom na pondo para sa 5-km na karera ay mapupunta sa Yes Pinoy Foundation sa pamumuno ni Dingdong Dantes.

Taon-taon ay tinitiyak ni German A. Panghulan na Chairman at CEO ng Corbridge Group na may tutulungan ang kanilang kompanya at napili nila ngayon ang Yes Pinoy at ang kanilang programang “I Am Super” na ang layunin ay mahanda ang mga mamayanan na harapin at lampasan ang mga kalamidad tulad ng bagyo at lindol.

Inaasahan na tatakbo rin si Dantes at ilang kapwa artista.

Lahat ng sasali ay tatanggap ng t-shirt at sombrero ni Santa Claus. Gagawaran ng medalya ang mga magtatapos sa loob ng isa at kalahating oras at may kasama pang mga pamaskong regalo buhat sa mga sponsor.

Maaring magpalista na sa www.runrio.com.

Ang Pasko ay panahon para ibahagi ang mga natamasang biyaya sa mga mas nangangailangan at tiyak makatutulong ng malaki ang patakbo sa mga proyekto ng Yes Pinoy. Ngayon pa lang, hindi malayo na maulit ang Santa Run sa 2020 dahil sa maagang magandang pagtanggap ng mga mananakbo.